பிரெஞ்சு ஓபன் போட்டி: முதன் முறையாக மரியா ஷரபோவா சாம்பியன்

பிரெஞ்சு ஓபன் போட்டியின் மகளிர் ஒற்றையர் பிரிவில் ரஷ்யாவின் மரியா

 ஷரபோவா சாம்பியன் பட்டம் வென்றார்.

இதன் மூலம் அவுஸ்திரேலிய ஓபன், பிரெஞ்சு ஓபன், விம்பிள்டன், அமெரிக்க

ஓபன் ஆகிய 4 கிராண்ட் ஸ்லாம் போட்டிகளிலும் பட்டம் வென்ற 10-வது

வீராங்கனை என்ற பெருமையைப் பெற்றார் ஷரபோவா.

பிரான்ஸ் தலைநகர் பாரீஸில் நேற்று நடைபெற்ற இறுதிச்சுற்றில்

ஷரபோவா 6-3, 6-2 என்ற நேர் செட்களில் இத்தாலியின் சரா எர்ரானியைத்

தோற்கடித்தார்.

தரவரிசையில் 2-வது இடத்தில் இருந்த ஷரபோவா, இந்த வெற்றியின் மூலம்

மீண்டும் முதலிடத்துக்கு முன்னேறியுள்ளார். ஷரபோவா 2004-ல்

விம்பிள்டனிலும், 2006-ல் அமெரிக்க ஓபனிலும், 2008-ல் அவுஸ்திரேலிய

ஓபனிலும் பட்டம் வென்றது குறிப்பிடத்தக்கது.

10-வது முறையாக பிரெஞ்சு ஓபனில் பங்கேற்ற ஷரபோவா, முதல்

முறையாக சாம்பியன் பட்டம் வென்றுள்ளார். இத்தாலியின் சரா எர்ரானி,

கிராண்ட் ஸ்லாம் போட்டியில் முதல் முறையாக இறுதிச்சுற்றுக்கு

முன்னேறியது குறிப்பிடத்தக்கது.

20:43 Tags : french open , latest tamilnadu news , maria shrapova

Subscribe by Email

Follow Updates Articles from This Blog via Email