புதிய அமைச்சர் ப.மோகன் பதவியேற்பு

தமிழக முதல்வர் ஜெயலலிதா அண்மையில் அமைச்சரவையில் சில மாற்றங்களைச் செய்தார். இதன்படி புதிதாக அமைச்சரவைக்குத் தேர்வு செய்யப்பட்ட ப.மோகன் இன்று பதவி ஏற்றுக் கொண்டனர்.

ஆளுநர் மாளிகையில், ஆளுநர் கே.ரோசய்யா ஊரக தொழில்துறை அமைச்சராகப் பதவி யேற்ற ப.மோகனுக்கு பதவிப் பிரமானமும் ரகசியக் காப்புப் பிரமாணமும் செய்து வைத்தார். இந்த நிகழ்ச்சியில் முதல்வர் ஜெயலலிதா, அமைச்சர்கள், தலைமைச் செயலர் உள்ளிட்டோர் கலந்துகொண்டனர்.

10 மற்றும் 12-ஆம் வகுப்பு அரசுப் பொதுத் தேர்வுகளில் மாநில அளவில் முதல் மூன்று இடங்களைப் பெற்ற மாணவ, மாணவிகளுக்கு ரொக்கப் பரிசுகளையும், சான்றிதழ்களையும் தமிழக முதலமைச்சர் செல்வி ஜெ ஜெயலலிதா வழங்கி வாழ்த்தினார்கள்.

மாண்புமிகு தமிழக முதலமைச்சர் செல்வி ஜெ ஜெயலலிதா அவர்கள் 14.6.2012 அன்று தலைமைச் செயலகத்தில், 2011-2012ஆம் கல்வியாண்டில் தமிழைமொழிப் பாடமாகக் கொண்டு 10 மற்றும் 12-ஆம் வகுப்பு அரசுப் பொதுத் தேர்வுகளில் மாநில அளவில் முதல் மூன்று இடங்களைப் பெற்ற மாணவ, மாணவிகளுக்கு ரொக்கப் பரிசுகளையும், சான்றிதழ்களையும் வழங்கி வாழ்த்தினார்கள். 2011-2012ஆம் கல்வியாண்டில் தமிழை மொழிப் பாடமாகக் கொண்டு 12-ஆம் வகுப்பு அரசுப் பொதுத் தேர்வுகளில் தமிழை மொழிப் பாடமாகக் கொண்டு மாநில அளவில் முதல் இடம் பெற்ற மாணவி எஸ். சுஷ்மிதா-க்கு 50 ஆயிரம் ரூபாய் ரொக்கப் பரிசு, இரண்டாம் இடங்களைப் பெற்ற மாணவி டி. கார்த்திகா, மாணவர்கள் பி. அசோக் குமார், சி. மணிகண்டன் ஆகிய மூன்று மாணவ, மாணவிகளுக்கு தலா 30 ஆயிரம் ரூபாய் ரொக்கப் பரிசு, மூன்றாம் இடங்களைப் பெற்ற பி. மகேஸ்வரி, எஸ். பிரபா சங்கரி ஆகிய இரண்டு மாணவிகளுக்கு தலா 20 ஆயிரம் ரூபாய் ரொக்கப் பரிசு என 6 மாணவ மாணவிகளுக்கு 1 லட்சத்து 80 ஆயிரம் ரூபாய் ரொக்கப் பரிசினை மாண்புமிகு தமிழக முதலமைச்சர் செல்வி ஜெ ஜெயலலிதா அவர்கள் இன்று தலைமைச் செயலகத்தில் வழங்கி வாழ்த்தினார்கள். 

மேலும், 10-ஆம் வகுப்பு அரசுப் பொதுத் தேர்வில் மாநில அளவில் முதல் இடம் பெற்ற மாணவர் பி. ஸ்ரீநாத்-க்கு 25 ஆயிரம் ரூபாய் ரொக்கப் பரிசு, இரண்டாம் இடங்களை பெற்ற மாணவிகள் இ.எம். நந்தினி, கே.என். மகாலஷ்மி, ஸ்வாதி சென்னியப்பன், என். அகிலா, மாணவர்கள் எஸ். ஜென்கின்ஸ் காட்பிரே, டி. கவின், ஆகிய ஆறு 2 மாணவ, மாணவிகளுக்கு தலா 20 ஆயிரம் ரூபாய் ரொக்கப் பரிசு, மூன்றாம் இடங்களைப் பெற்ற மாணவிகள் எஸ். ஸ்மிதா, கே. சூர்யா, ஆர். தாரணி, டி. வினுமிதா, கே. ஷர்மிளா, பி.கே. பூஜாஸ்ரீ, பி. அம்ரிதா, ராஜேஸ்வரி, மாணவர்கள் எஸ்.கே. அபிஷேக், எம். ஸ்ரீதரா, ஐ. ஜஸ்டின் சேவியர் ஆகிய பதினொரு மாணவ, மாணவிகளுக்கு தலா 15 ஆயிரம் ரூபாய் ரொக்கப் பரிசு என 18 மாணவ மாணவிகளுக்கு 3 லட்சத்து 10 ஆயிரம் ரூபாய் ரொக்கப் பரிசினை மாண்புமிகு தமிழக முதலமைச்சர் செல்வி ஜெ ஜெயலலிதா அவர்கள் இன்று தலைமைச் செயலகத்தில் வழங்கி பாராட்டியதுடன், பரிசுப் பெற்ற அனைத்து மாணவ, மாணவியர்களின் உயர்கல்விக்கான செலவுகள் அனைத்தையும் தமிழக அரசே ஏற்கும் என்பதற்கான சான்றிதழ்களையும் வழங்கினார்கள்.

மின்வெட்டு நேரம் குறைப்பு: ஜெயலலிதா

சென்னை, ஜூன் 1: தமிழகத்தில் மின் வெட்டு செய்யப்படும் நேரம் குறைக்கப்படுவதாக முதல்வர் ஜெயலலிதா அறிவித்துள்ளார்.இதையடுத்து சென்னையில் தினசரி ஒரு மணி நேரமும், பிற மாவட்டங்களில் மூன்று மணி நேரமும் இனி மின்வெட்டு அமலில் இருக்கும் என்றும் அவர் குறிப்பிட்டுள்ளார்.இதேபோல உயர் மின் அழுத்த மற்றும் குறைந்த மின் அழுத்த தொழிற்சாலைகளுக்கான வாரம் ஒரு நாள் மின்சார விடுமுறை, ஞாயிற்றுக்கிழமை கட்டாய மின்சார விடுமுறை ஆகியனவும் முற்றிலுமாக நீக்கப்படுவதாக முதல்வர் தெரிவித்துள்ளார்.தமிழகத்தில் நிலவி வரும் மின் பற்றாக்குறையைச் சமாளிக்க மாநிலம் முழுவதும் மின்வெட்டு அமலில் உள்ளது. மின்சார தட்டுப்பாடு ஜூன் முதல் படிப்படியாக நீங்கும் எனவும், அதன் மூலம் மின்வெட்டு குறைக்கப்படும் எனவும் சட்டப் பேரவைக் கூட்டத் தொடரின்போது முதல்வர் ஜெயலலிதா உறுதியளித்திருந்தார்.இந்த நிலையில், தமிழகத்தின் மின் நிலைமை குறித்து முதல்வர் தலைமையில் விரிவான ஆய்வுக் கூட்டம் தலைமைச் செயலகத்தில் வெள்ளிக்கிழமை நடைபெற்றது. தமிழகத்தில் இப்போது நிலவி வரும் மின்வெட்டை படிப்படியாகக் குறைப்பது குறித்து இந்தக் கூட்டத்தில் விரிவாக விவாதிக்கப்பட்டது.இக்கூட்டத்தில் எடுக்கப்பட்ட முடிவுகள் குறித்து முதல்வர் ஜெயலலிதா வெளியிட்ட அறிவிப்பு:கடந்த சில வாரங்களாக காற்றாலைகளின் மூலம் அதிகளவு மின்சாரம் கிடைக்கிறது. இதனால், மாநிலத்தின் மின் நிலைமை இப்போது கணிசமான அளவு முன்னேற்றம் அடைந்திருக்கிறது.அதுமட்டுமல்லாது, மே 10-ம் தேதியன்று தீ விபத்து ஏற்பட்டதன் காரணமாக, மின் உற்பத்தி பாதிக்கப்பட்ட மேட்டூர் அனல் மின் நிலையத்தில் போர்க்கால அடிப்படையில் பணிகள் முடுக்கிவிடப்பட்டன.இதையடுத்து, வெள்ளிக்கிழமை முதல் மீண்டும் மேட்டூர் அனல் மின் நிலையம், தனது முழு உற்பத்தித்திறனான 840 மெகாவாட் மின்னுற்பத்தியை தொடங்கி விட்டது.இந்தச் சூழ்நிலையில், மின் தட்டுப்பாடு காரணமாக இப்போது விதிக்கப்பட்டுள்ள கட்டுப்பாடுகளை சனிக்கிழமை (ஜூன் 2) முதல் தளர்த்துவது என முடிவு எடுக்கப்பட்டது.உயர் மின் அழுத்த மற்றும் குறைந்த மின் அழுத்த தொழிற்சாலைகளுக்கான வாரம் ஒரு நாள் மின்சார விடுமுறை, ஞாயிற்றுக்கிழமை கட்டாய மின்சார விடுமுறை ஆகியன முற்றிலுமாக நீக்கப்படுகின்றன.சென்னையில் வீட்டுப் பயனீட்டாளர்களுக்கான மின்வெட்டு இரண்டு மணி நேரத்தில் இருந்து ஒரு மணி நேரமாகவும், தமிழகத்தின் பிற பகுதிகளில் நான்கு மணி நேரத்தில் இருந்து மூன்று நேரமாகவும் குறைக்கப்படும்.இப்போது பணிகள் நடைபெற்று வரும் அனல் மின் நிலையத் திட்டங்கள், கூடங்குளம் அணுமின் நிலையத் திட்டம் ஆகியன விரைவில் செயல்படத் தொடங்கும். எனவே, இப்போதுள்ள மின் கட்டுப்பாடுகள் படிப்படியாக விரைந்து தளர்த்தப்படும். இது குறித்து மீண்டும் அடுத்த மாதம் ஆய்வு நடத்தப்பட்டு, உரிய முடிவுகள் எடுக்கப்படும் என முதல்வர் ஜெயலலிதா அறிவித்துள்ளார்.இனி வரும் மாதங்களில் மின்வெட்டு குறைய வாய்ப்புமின்சார உற்பத்தியின் அளவைப் பொறுத்து, மின் வெட்டு செய்யப்படும் நேரம் ஒவ்வொரு மாதமும் மாற்றியமைக்கப்படும் என மின்வாரிய அதிகாரிகள் தெரிவித்தனர்.தமிழகத்தின் ஒரு நாளைய மின்தேவை சராசரியாக 12 ஆயிரம் மெகாவாட்டாக உள்ளது. இன்றைய (வெள்ளிக்கிழமை) நிலவரப்படி மின்னுற்பத்தி அளவு 10,400 மெகாவாட்டாக உள்ளது. எனவே மின் பற்றாக்குறை ஆயிரம் மெகாவாட்டாக உள்ளது.கைகொடுக்கும் காற்றாலை: தமிழகத்தில் உள்ள காற்றாலைகள் மூலமாக, சராசரியாக நாளொன்றுக்கு 2,500 மெகாவாட் மின்சாரம் கிடைக்கிறது. இது தட்டுப்பாட்டைச் சமாளிக்க ஓரளவு கைகொடுத்து வருகிறது.இப்போதைய நிலவரப்படி சுமார் ஆயிரம் மெகாவாட் மட்டுமே மின்சார தட்டுப்பாடு இருக்கிறது. இனி வரும் மாதங்களில் கூடங்குளம் அணுமின் நிலையமும், மேலும் சில அனல் மின் நிலையத் திட்டப் பணிகளும் செயல்பாட்டுக்கு வரும்போது மின் தட்டுப்பாடு முற்றிலும் நீங்கிவிடும்.எனவே, அடுத்த மாதத்தில் சென்னையில் மின்வெட்டு முற்றிலும் நீங்குவதற்கும், மாவட்டங்களில் மின்வெட்டு ஒன்று அல்லது இரண்டு மணி நேரமாகக் குறையவும் வாய்ப்புள்ளது என மின்வாரிய அதிகாரிகள் தெரிவித்தனர்.

தமிழக சட்டசபையில் அரசின் ஓராண்டு சாதனையை பாராட்டி வரவேற்று முதலமைச்சருக்கு நன்றி தெரிவித்து சட்டமன்ற கட்சித் தலைவர்கள் பேசினார்கள்

சென்னை,  தமிழக சட்டசபையில்  அரசின் ஓராண்டு சாதனையை பாராட்டி வரவேற்று முதலமைச்சருக்கு நன்றி தெரிவித்து சட்டமன்ற கட்சித் தலைவர்கள் பேசினார்கள்.. தமிழக அரசு பல்வேறு நெருக்கடிகளில் சிக்கிக் கிடந்த தமிழகத்தை மீட்டு முதலமைச்சர் தலைமையில் ஒரு மிகச் சிறந்த நல்லாட்சி மக்கள் போற்றுகின்ற மகத்தான ஆட்சி நடைபெற்று வருவதாக அவர்கள் புகழ்ந்தனர் சூட்டினார்கள்.

தமிழக அரசு முதலமைச்சர் ஜெயலலிதா தலைமையில் பொறுப்பேற்று இன்றுடன் ஓராண்டு நிறைவு பெறுகிறது. இந்த ஓராண்டு சாதனைகளை வரவேற்று, பாராட்டி சட்டமன்ற கட்சித் தலைவர்கள் பேசினார்கள். தலைவர்களின் பேச்சு வருமாறு: செ.கு.தமிழரசன் (அகில இந்திய குடியரசு கட்சி): தமிழகத்தில் உள்ள 7 கோடி மக்களுக்கும் மகிழ்ச்சி திருநாள். நாடு போற்றும் வகையில் சிறப்பானதொரு ஆட்சியை முதலமைச்சர் தலைமையேற்று நடத்தி வருகிறார்.இன்று காலை முதலமைச்சரின் இல்லமான போயஸ் தோட்டத்திலிருந்து கோட்டைக்கு வரும் வழிநெடுக மக்கள் கூட்டம் கடல் அலையென கூடி வரவேற்றதை காண முடிந்தது.
அந்த கடற்கரையோரம் குடிகொண்டுள்ள அண்ணாவும், எம்ஜிஆரும் கூட அவரை வாழ்த்தி வழியனுப்பி வைத்துள்ளனர்.ஒருநல்ல அரசுக்கு உதாரணம் அந்த அரசு மக்களுக்கு நன்மை செய்கிற அரசாக இருக்க வேண்டும். மக்களின் நம்பிக்கையை பெறும் அரசாக இருக்க வேண்டும் என்று அண்ணல் அம்பேத்கர் கூறுவார். அது போன்ற மக்களின் நம்பிக்கையை பெற்ற அரசாக மக்களுக்கு நாள்தோறும் நன்மைகள் செய்கிற அரசாக இந்த அரசு செயல்பட்டு வருகிறது. இன்று இந்த ஓராண்டு ஆட்சி சாதனைகளை செய்தித்துறை 7 நூல்களாக கொடுத்திருக்கிறது. பத்திரிகைகளிலும் 4 முழு பக்க விளம்பரமாக கொடுத்திருக்கிறது. இவையெல்லாம் நிச்சயம் பதிவு செய்யப்பட வேண்டும். இப்படி இந்த சாதனைகளை பதிவு செய்வதுதான் நாளைய வரலாற்றுக்கு ஒரு சான்றாக அமையும். அந்த வகையில் வரலாற்றில் ஒரு நிலைத்த, புகழ்மிக்க முதலமைச்சராக நிச்சயம் இவர் அடையாளப் படுத்தப்படுவார். ஆட்சி திறனும், மாட்சிமையும், தனித்துவமும் மிக்க தலைவராக ஒரு தலை சிறந்த தேசியவாதியாக சமூக, சமத்துவவாதியாக முதலமைச்சர் திகழ்ந்து வருகிறார்.
மாற்றம் தந்த மக்களுக்கு ஏற்றம் தருவேன் என்ற வாக்குறுதிபடி மிக தாராளமாக, ஏராளமான நலத்திட்டங்களை தந்துள்ள இந்த முதலமைச்சர் பல்லாண்டு வாழ வேண்டும். இந்த ஆட்சியும் தொடர்ந்து nullடிக்க வேண்டும். உ.தனியரசு (கொங்கு இளைஞர் பேரவை): வாக்களித்த தமிழக மக்களுக்கு பல்வேறு நலத்திட்டங்களை தந்து வரலாற்று சாதனைகளை முதலமைச்சர் படைத்து வருகிறார். மீனவர்கள் உயிர் காக்கவும், உடமை காக்கவும் வழிவகை கண்டார். இதே சட்டப் பேரவையில் இலங்கை தமிழர்கள் 3 பேரின் தூக்குத்தண்டனையை நிறுத்த கருணை உள்ளத்தோடு தீர்மானம் கொண்டு வந்தார்.

முதலமைச்சர் ஜெ. ஜெயலலிதா மூன்றாவது முறையாக பொறுப்பேற்று ஓராண்டு நிறைவுற்றுள்ளது.கடந்த ஓராண்டாக அரசுச் செலவில் ஆடம்பர விழா இல்லாதது ஒரு வரலாற்றுச் சாதனைதான்.

தமிழகத்தின் முதல்வராக, முதலமைச்சர் ஜெ. ஜெயலலிதா மூன்றாவது முறையாக பொறுப்பேற்று ஓராண்டு நிறைவுற்றுள்ளது.  ÷1991, 2001-ஆம் ஆண்டுகளில் முதலமைச்சராகப் பொறுப்பேற்றபோது சவாலான பல சாதனைகளை நிகழ்த்தினார். குறிப்பாக, சமூக நீதியை நிலைநாட்ட 60 சதவீத இடஒதுக்கீட்டுக்கு சட்டப் பாதுகாப்பு பெற்றுக் கொடுத்தார். முத்தமிழோடு அறிவியல் தமிழையும் சேர்த்து நான்காம் தமிழ் அமைத்துக் கொடுத்தார். தொடர்ந்து 8-ஆம் உலகத்தமிழ் மாநாட்டை தஞ்சையில் நடத்தினார்.  ÷விளையாட்டு வீரர்கனையும், விளையாட்டையும் ஊக்குவிக்கும் வகையில், விளையாட்டுக்கென உலகத்தரம் வாய்ந்த ஜவஹர்லால் நேரு விளையாட்டு அரங்கை, மிகக் குறுகிய காலத்தில் கட்டி முடித்தார். தெற்கு ஆசிய விளையாட்டுப் போட்டியையும் நடத்தினார்.  ÷மகளிர் எல்லா நிலைகளிலும் உயர்வு பெற வேண்டும் என பேசுவதோடு நின்றுவிடாமல் செயலிலும் ஈடுபட்டு, காவல் துறையில் பெண்கள் சேர்ந்து பணியாற்றும் வகையில் அனைத்து மகளிர் காவல் நிலையம் அமைத்துக் கொடுத்தார்.  ÷பெண் குழந்தைகள் என்றால், கள்ளிப்பால் கொடுத்தும், நெல்லைப் பாலில் கலந்து புகட்டியும் குழந்தைகளின் உயிரைப் பறிக்கும் நிலை பரவலாக இருந்த நிலையில், அரசுத் தொட்டில் குழந்தைகள் திட்டம் கொண்டு வந்தார். இந்தத் திட்டம் மூலம் பெண் சிசுக்கொலை தடுக்கப்பட்டது.  ÷பெண்கள் பொருளாதாரத்தில் வலுவானவர்களாக உருவாக வேண்டும் என்று எண்ணிய முதலமைச்சர் ஜெ. ஜெயலலிதா, அவர்களுக்கென மகளிர் சுய உதவிக் குழுவினை (1992) ஏற்படுத்தி, சிறப்புச் சலுகைகளை அளித்து அவர்கள் சொந்தக் காலில் நிற்க வழிவகுத்தார். மகளிரை தொழிலதிபர்களாக உருவாக்க அவர்களுக்கென தொழிற்பேட்டைத் திட்டத்தையும் அறிமுகம் செய்தார்.  ÷சென்னைப் போன்ற நகரங்களில் உள்ளவர்களுக்கு மட்டுமல்லாமல், ஓசூர், கோவை, கரூர், திருப்பூர், ஈரோடு போன்ற நகரங்களிலும் உள்ள இளைஞர்களின் வேலைவாய்ப்புக்கு உதவிட, சிறுதொழில் தொடங்கவும் வழிவகுத்தார்.  ÷தொழிற்புரட்சிக்கு வித்திடும் வகையில் தொழிற் பூங்காக்களை உலகத்தரத்தில் உருவாக்கினார். அஃதன்றி காகிதத் தொழிற்சாலை, இரும்புத் தொழிற்சாலை, செம்பு உருக்குத் தொழிற்சாலை ஆகியவற்றுடன், சென்னைக்கு வெளியே ஃபோர்டு கார் தொழிற்சாலை, செல்போன் தொழிற்சாலை, செல்போன் உதிரி பாகத் தொழிற்சாலைகளையும் கொண்டு வந்தார்.  ÷இரண்டாம் முறையாக ஆட்சிப் பொறுப்பேற்றபோது கடும் நிதி நெருக்கடி நிலவிய நிலை. முந்தைய அரசு வாங்கிய கடனுக்கு அன்றாடம் பெருந்தொகையை வட்டியாக கட்ட வேண்டும். நிலுவையிலுள்ள பில்தொகைகளைக் கட்ட வேண்டும். அரசு ஊழியர்களுக்கு மாத சம்பளம் வழங்க வேண்டும். இந்த நெருக்கடி நிலைûயைச் சரிகட்ட மதுக்கடை ஏலத்தில் இருந்த "கார்டல்' முறையை அதாவது "சொல்லிவைத்து குறைந்த தொகைக்கு ஏலம் எடுக்கும் நிலை'யை ஒழித்து, மதுக்கடைகளை அரசே நடத்தும் என்று முடிவெடுத்தார்.  ÷அதேபோன்று மணல் குவாரிகளில் இருந்த ஊழல் மற்றும் முறைகேடாக மணல் அள்ளுவது ஆகியவற்றை ஒழிக்க, மணல் குவாரிகளை அரசே எடுத்து நடத்தவும் வழிவகுத்தார். இதன்மூலம் மணற்கொள்ளை ஒழிந்தது. அரசுக்கு பல ஆயிரம் கோடி ரூபாய் இதன் காரணமாகவும் வருவாய் வந்து சேர்ந்தது.  ÷அடுத்தபடியாக வருவாய் இனத்தில் பெரிய பங்களிப்பைச் செய்து வரும் ஒரு துறை விற்பனை வரிவசூல். இதிலிருந்த தேக்கநிலையை நீக்கி, தனது நிர்வாகத் திறமையால் நிலுவையில் இருந்த விற்பனை வரி இனங்களைக் கண்டறிந்து வசூல் செய்ய நடவடிக்கை எடுத்தார்.  ÷அடுத்து பாமர மக்களின் உழைப்பை உறிஞ்சும் லாட்டரி சீட்டு, ஒரு நம்பர் லாட்டரி என்னும் சுரண்டல் லாட்டரி. இதன்மூலம் உழைப்பாளிகளிடையே பரவும் பெரிய அளவிலான சுரண்டல் சூதாட்டத்தைத் தடுக்க, லாட்டரி சீட்டை தமிழ்நாட்டில் ஒழித்தார்.  ÷நிதிநிலையைச் சீராக்கிக் கொண்டிருந்த நிலையில் தமிழகத்தை வரலாறு காணாத சுனாமி தாக்கிற்று. பல்லாயிரக்கணக்கில் உயிர் இழப்பு, பல ஆயிரம் கோடி உடமைகள், சொத்துகள் நாசம். இந்தச் சுனாமிப் பேரலையால் ஏற்பட்ட நாசத்தைக் கண்டறிந்து, உயிரிழந்தவர்களின் உடல்களைக் கண்டுபிடித்து, நல்லடக்கம் செய்தும், ஆதரவற்றவர்களுக்கு அடைக்கலம் கொடுத்தும், மனஉளைச்சல்களிலிருந்து மீள அவர்களுக்கு "கவுன்சலிங்' முறையில் மனஇறுக்கத்தை போக்கியும், அக் குழந்தைகளுக்கு மீண்டும் கல்வி வாய்ப்பு வழங்கியும், குழந்தைகளை இழந்த பெற்றோர் கருத்தடை செய்து கொண்டவர்கள் என்றால், அவர்களுக்கு மீண்டும் குழந்தைப் பிறக்க அறுவைச் சிகிச்சை மூலம் வழியமைத்தும் முதலமைச்சர் உத்தரவிட்டார். அவர்களுக்கு அரசு சலுகைகள், உதவிகள் மற்றும் குடியிருப்புகள் ஏற்படுத்தி வழங்குதல் என்று அளப்பரிய பணிகள் நடந்தன. கிழக்காசிய நாடுகள் பலவற்றை சுனாமி தாக்கி, அதன் பாதிப்புகளில் இருந்து மீளமுடியா இருந்த நிலையில், அதன் பாதிப்பிலிருந்து தமிழகம் மீண்டதை பலரும் பாராட்டினர். இவ்வாறாக இயற்கைப் பாதிப்புகள் தொடர்ந்த நிலை.  ÷இந்த நிலையிலும் மேல்நிலைக் கல்வி பயிலும் மாணவ மாணவிகளுக்கு இலவச சைக்கிள் வழங்கும் திட்டம், பாடநூல் வழங்கும் திட்டம், இலவச பஸ் பாஸ், கோயில்கள், தேவாலயங்கள், தர்காக்களில் அன்னதானத் திட்டம் வகுத்தார். புதிய வீராணம் திட்டம் மூலம் சென்னை மக்களின் குடிநீர்த் தாகத்தை தீர்த்தது மட்டுமல்லாமல், நிலத்தடி நீர் வறண்டு போன நிலையில், நிலத்தடி நீர் ஆதாரத்தை உயர்த்திட மழைநீர் சேமிப்புத் திட்டமும் கொண்டு வந்தார். இந்தத் திட்டம் மற்ற மாநிலங்களிலும் தத்து எடுத்துக்கொண்ட நல்லதொரு தேசியத் திட்டமாக மாறியது.  ÷ஒருங்கிணைந்த மகளிர் சுகாதார வளாகங்கள் ஊராட்சி ஒன்றியம்தோறும் நடைமுறைப்படுத்தும் திட்டம், ஆரம்ப சுகாதார நிலையங்களில் 30 படுக்கைகள் கட்டாயம் என்ற நிலையை நடைமுறைப்படுத்தியது, பெண்கள் கமாண்டோ படை உருவாக்கியதும் பெண்களுக்கான சிறப்புத் திட்டமாயிற்று. நெசவாளர்கள், விவசாயிகளுக்கு காப்பீடு மற்றும் பாதுகாப்புத் திட்டம் - என அனைத்துமே பாராட்டுக்குரியத் திட்டமாகவே அமைந்தது.  ÷மூன்றாவது முறையாக முதலமைச்சராக வந்ததும், கொண்டு வந்த உன்னதத் திட்டங்களில் குறிப்பிடத்தக்கவை குடும்ப அட்டைதாரர்களுக்கு இலவச அரிசி என்ற சொல்லை மாற்றி விலையில்லா அரிசி. அதேபோன்று "எஃப்எம்ஜி' என்கிற மின்விசிறி, மிக்சி, கிரைண்டர் வழங்கும் திட்டம். முழுக்க முழுக்க வறுமைக்கோட்டுக்குக் கீழே வாழும் விவசாயக் குடும்பத்திற்கு 4 ஆடுகள் மற்றும் கறவை மாடுகள் வழங்கும் திட்டம். இந்தத் திட்டத்தை கிராம சபையினர் உதவியுடன் பரம ஏழை யார் என்பதை அறிந்து, அவர்களுக்கு மூன்று பெண் ஆடுகளும், ஒரு ஆண் ஆடும் வழங்கப்படுகிறது. இந்த பெண் ஆடுகள் 6 மாதத்தில் இரண்டுக்கு மேற்பட்ட குட்டிகளைப் போடும், நாளடைவில் அது பெருகி, கிராமவாசியின் குடும்பத்தை வளப்படுத்தும் நிலையில் ஆடுகளை விற்கக் கூடாது என்றும் குட்டிகளை அடுத்த ஆண்டில் விற்கலாமெனவும் அறிவுறுத்தப்பட்டுள்ளது.  அதேபோன்று ஏழை விவசாயிகளில் வறுமைக்கோட்டுக்கு கீழே இருப்பவரைக் கிராமசபை கண்டுபிடித்து, சபை குறிப்பிடும் நபருக்கு ஒதுக்கப்பட்ட 35 ஆயிரம் ரூபாயை நேரடியாக வழங்காமல் "ஜெர்சி' வகை மாடுகள் இருக்குமிடமான மைசூரையடுத்த ராம்நகர் பகுதிக்குச் சென்று, விவசாயி நேரடியாக விலை பேசி முடிவானால், அந்த கறவை மாட்டுக்கு உண்டான விலையை குறைத்து 25 ஆயிரம் ரூபாய் என்று வாங்கினால், ஒதுக்கப்பட்ட தொகையில் மீதமுள்ள ரூபாய் பத்தாயிரத்துக்குண்டான காசோலையை, விவசாயியிடமே அதிகாரிகள் வழங்கி வருகின்றனர். கறவை மாடு வாங்குவதற்கு முன்னதாக அந்த மாடு எத்தனை லிட்டர் பால் கறக்கிறது என்பதையும் உறுதிப்படுத்தத் தேவையான நாட்கள் அந்தப் பகுதியிலேயே தங்கும் செலவையும் அரசு ஏற்பதெல்லாம் முற்றிலும் புதிய நடைமுறை.  ÷இளநிலை, டிப்ளமா பட்டம் பெற்ற பெண்களுக்கு திருமண உதவித் திட்டம் ரூபாய் 25 ஆயிரத்திலிருந்து ரூபாய் 50 ஆயிரமாக உயர்த்தி வழங்குவதுடன் 4 கிராம் தங்கம் வழங்கவும் ஆணையிட்டார்.  ÷அதுமட்டுமின்றி கணவனால் கைவிடப்பட்ட பெண்கள், கைம்பெண்கள் ஆகியோருக்கு மாத உதவித்தொகையாக ரூ.500லிருந்து உயர்த்தி ரூ.1,000 வழங்கவும் ஆணை.  * விவசாயிகளுக்கு உழவர் பெருவிழா.  * அதிக விளைச்சல் காட்டும் விவசாயிக்கு ரூ.5 லட்சம்.  * மீனவர்களுக்கு உதவித்தொகை அதிகரிப்பு.  * கல்வியில் புரட்சியை ஏற்படுத்த "கிரேடு முறை'.  * மாணவ மாணவிகளுக்கு சாப்பாடு, உடை, புத்தகம், பை, பென்சில், அகராதி அனைத்தும் இலவசம்.  * இலங்கைத் தமிழர்களுக்கும் சலுகைகள்.  * கிறிஸ்தவர்கள் ஜெருசலேம் செல்ல நிதியுதவி.  * இஸ்லாமிய சேர்ந்த உலமா, மோதினார் அரபி ஆசிரியர்களுக்கு ரூ.1,000 ஓய்வூதியம்.  * விளையாட்டு வீரர்கள், வீராங்கனைகள்  * அரசுப் பணியில் உள்ள தாய்மார்களுக்கு மகப்பேறு சலுகையான 3 மாத விடுப்பு 6 மாதமாக உயர்த்துதல்.  ÷இவை எல்லாவற்றுக்கும் சிகரமாக முதலமைச்சர் ஜெயலலிதாவின் தொலைநோக்குத் திட்டம் 2023 - அமைந்துள்ளது. அதைவிடவும் முக்கியமானதாக கருதப்படுவது கடந்த ஓராண்டாக அரசுச் செலவில் ஆடம்பர விழா இல்லாதது, இதுவே ஒரு வரலாற்றுச் சாதனைதான்.  

சத்துணவு குழந்தைகளுக்கு 4 சீருடை: சட்டசபையில் ஜெயலலிதா அறிவிப்பு

சட்டசபையில் இன்று 110-வது விதியின் கீழ் முதல்- அமைச்சர் ஜெயலலிதா ஒரு அறிக்கை படித்தார்.

 

அவர் கூறியதாவது:-

 

குழந்தைகள் பசியால் வாடி நலமற்றவர்களாக மாறுவதைத் தடுக்கும் பணியிலும், அவர்களிடையே காணப்படும் ஊட்டச்சத்து குறைபாட்டை போக்கும் பணியிலும் அங்கன்வாடி மையங்கள் ஈடுபட்டு வருகின்றன. இந்த அங்கன்வாடி மையங்களில் இணை உணவு, முட்டை, சூடான மதிய உணவு ஆகியவற்றுடன் முன் பருவக் கல்வியும் குழந்தைகளுக்கு அளிக்கப்படுகின்றன.

 

மேலும், இந்த மையங்களில் கர்ப்பிணிகள், பாலூட்டும் தாய்மார்கள் மற்றும் வளர் இளம் பெண்கள் ஆகியோருக்கு இணை உணவும், முதியோர்களுக்கு மதிய உணவும் அளிக்கப்படுகிறது. தற்போது, தமிழகம் முழுவதிலும் உள்ள இந்த அங்கன்வாடி மையங்கள் மூலம் 31 லட்சம் பயனாளிகள் பயனடைந்து வருகின்றனர். இப்படிப்பட்ட முக்கியத்துவம் வாய்ந்த அங்கன்வாடி மையங்களின் உட்கட்டமைப்பு வசதிகளை மேம்படுத்தவும், பராமரிப்பு பணிகளை மேற்கொள்ளவும், மின் கட்டமைப்பு வசதிகளை மேம்படுத்தவும், மின் விசிறி மற்றும் மின் விளக்கு ஆகியவற்றை பொருத்தவும் நான் சென்ற ஆண்டு ஆணையிட்டேன்.

 

தற்போது தமிழ்நாட்டில் உள்ள 54,439 அங்கன்வாடி மையங்களில் 16,645 அங்கன்வாடி மையங்களில், சமைக்கும் நேரத்தை மிச்சப்படுத்தும் வகையிலும், மாசற்ற சுற்றுச் சூழலை உருவாக்கும் வகையிலும் 'புகையில்லா சமையலறைகள்' அமைக்கப்பட்டுள்ளன. எஞ்சியுள்ள 37,794 அங்கன்வாடி மையங்களில் 5,000 அங்கன்வாடி மையங்களில் இந்த ஆண்டில் அதாவது 2012-2013-ஆம் ஆண்டில், 3 கோடியே 20 லட்சம் ரூபாய் செலவில் எரிவாயு அடுப்பு, எரிவாயு இணைப்பு மற்றும் அழுத்தக்கலன், அதாவது பிரஷர் குக்கர் ஆகிய உபகரணங்கள் வழங்கப்பட்டு, புகையில்லா சூழ்நிலையை உருவாக்கக்கூடிய நவீனமயமாக்கும் பணி மேற்கொள்ளப்படும் என்பதை மகிழ்ச்சியுடன் தெரிவித்துக் கொள்கிறேன்.

 

மேலும் இந்த மையங்களுக்கு அதிக அளவில் குழந்தைகள் ஊட்டச்சத்து உணவை பெறுவதற்காகவும், 2 வயது முதல் 5 வயது வரை உள்ள குழந்தைகள் பள்ளிசாரா முன்பருவக்கல்வி பெறுவதற்காகவும் வருகை புரிவதை ஊக்குவிக்கும் பொருட்டு, 2 வயது முதல் 5 வயது வரை உள்ள குழந்தைகளுக்கு இரண்டு வண்ண உடைகள் இந்த ஆண்டு முதல் வழங்கப்படும்.

 

இந்த முன்னோடித் திட்டம் முதற்கட்டமாக சென்னை, வேலூர், திருச்சிராப்பள்ளி, தேனி மற்றும் திண்டுக்கல் ஆகிய 5 மாவட்டங்களில் உள்ள 2,01,032 குழந்தைகள் பயனடையும் வகையில், 4 கோடியே 30 லட்சம் ரூபாய் செலவில் நடைமுறைப்படுத்தப்படும் என்பதை மகிழ்ச்சியுடன் தெரிவித்துக் கொள்கிறேன்.

 

இதேபோன்று, புரட்சித் தலைவர் எம்.ஜி.ஆர். சத்துணவுத் திட்டத்தின் கீழ் பயனடையும் பள்ளிக் குழந்தைகளுக்காக வழங்கப்பட்டு வந்த இரண்டு இணை சீருடைகளை நான்கு இணை சீருடைகளாக இந்த ஆண்டு முதல் உயர்த்தி வழங்க நான் ஆணையிட்டுள்ளேன். மகளிர் தையல் தொழில் கூட்டுறவு சங்கங்களால் இந்தப் பணியை குறித்த காலத்தில் முடிக்க முடியாது என்பதைக் கருத்தில் கொண்டும், இந்த கூட்டுறவு சங்கங்களில் உள்ள மகளிர் அதிக ஊதியம் பெற வேண்டும் என்பதைக் கருத்தில் கொண்டும் மகளிர் தையற் கூட்டுறவு சங்கங்களில் 54,000 நவீன தையல் இயந்திரங்களை 54 கோடி ரூபாய் செலவில் வாங்க வழிவகை செய்யப்படும் என்பதை மகிழ்ச்சியுடன் தெரிவித்துக் கொள்கிறேன்.

 

இந்தத் தொகை மத்திய கூட்டுறவு வங்கிகள் மூலம் கடனாக வழங்கப்படும் என்பதையும், இந்தத் தையல் கூட்டுறவுச் சங்கங்கள் கடனுதவி பெறத்தக்க வகையில் 10 விழுக்காடு அளவிற்கு ஆதார நிதியை அரசு வழங்கும் என்பதையும் மகிழ்ச்சியுடன் தெரிவித்துக் கொள்கிறேன். இதன் மூலம், தையல் கூட்டுறவுச் சங்க உறுப்பினர்களின் தைக்கும் திறன் மூன்று மடங்காக உயர்வதால், இதர நிறுவனங்களிடமிருந்து தைக்கும் வேலை வாய்ப்பினை இவர்கள் பெற்று, அதிக வருவாய் பெற வழி ஏற்படும்.

 

மேலும், மாணவ- மாணவியருக்கு குறித்த காலத்தில் சீருடை வழங்க வழிவகை ஏற்படுவதுடன், சீருடைகளின் தையல் தரம் மேம்பட்டதாக இருக்கும் என்பதையும் தெரிவித்துக் கொள்கிறேன்.

 

இவ்வாறு முதல்- அமைச்சர் ஜெயலலிதா கூறியுள்ளார்.