100நாள் வேலைக்கு ரூ.1846கோடி ஒதுக்கீடு

மகாத்மா காந்தி ஊரக வேலைவாய்ப்பு உறுதி திட்டத்திற்கான ஊதியத்தை வங்கிகள் மூலமாக வழங்க தமிழக அரசு நடவடிக்கை எடுக்க வேண்டும் என மத்திய அமைச்சர் ஜெய்ராம் ரமேஷ் வலியுறுத்தியுள்ளார்.
டெல்லியில் செய்தியாளர்களிடம் பேசிய மத்திய அமைச்சர் ஜெய்ராம் ரமேஷ், மகாத்மா காந்தி ஊரக வேலை வாய்ப்புத்திட்டத்திற்கு ஆயிரத்து 846 கோடி ரூபாய் கூடுதல் நிதி ஒதுக்கப்பட்டுள்ளதாக தெரிவித்தார். ஏற்கெனவே தமிழகத்திற்கு 2 ஆயிரத்து 844 கோடி ரூபாய் ஒதுக்கீடு செய்யப்பட்டுள்ளதாகவும் அவர் கூறினார் கேரளாவிற்கு அடுத்தபடியாக தமிழகத்தில் இத்திட்டத்தின் கீழ் பெண்களுக்கு வேலைவாய்ப்பு அளிக்கப்படுவதற்கு வரவேற்பு தெரிவித்த ஜெய்ராம் ரமேஷ், ஊதியத்தை வங்கிக் கணக்கில் நேரடியாகச் செலுத்த வேண்டும் என்று குறிப்பிட்டார். தமிழகத்தில் 7 மாவட்டங்களில் மட்டுமே மின்னனு நிதி பரிமாற்ற முறையில் ஊதியம் வங்கிக் கணக்கில் செலுத்தப்படுவதாகவும், இவ்வாறு செய்வதன் மூலம் ஊதிய தாமதம் ஏற்படுவதை தடுக்க முடியும் என்றும் அவர் தெரிவித்தார். இந்த திட்டத்தின் கீழ் குறைந்தபட்ச ஊதியம் 148 ரூபாயாக நிர்ணயிக்கப்பட்டுள்ள நிலையில், ஆயிரத்து 645 கிராம பஞ்சாயத்துகளில் 70 ரூபாய் மட்டுமே ஊதியமாக வழங்கப்படுகிறது என சிஏஜி அறிக்கையில் தெரிவிக்கப்பட்டுள்ளதாகவும் அமைச்சர் ஜெய்ராம் ரமேஷ் கூறியுள்ளார்.

உண்மை நின்றிட வேண்டும்

இன்னொரு ஊழல். இம்முறையும் பல கோடி ரூபாய்கள். வானிலை அறிக்கை, தினப்பலன் போல ஒவ்வொருநாளும் ஊழல் குறித்த செய்திகள் வருவதால், இந்த ஊழல் இடியாகத் தலையில் இறங்கவில்லை.

 ஆனால்-

 நாட்டின் பாதுகாப்போடு தொடர்புடையது என்பதனாலேயே அயல் நாடுகளிடமிருந்து நாம் வாங்கும் ஆயுதங்கள், தளவாடங்கள், விமானங்கள் குறித்த தகவல்களும், அது தொடர்பான பேரங்களும் ரகசியமாக வைக்கப்படுகின்றன. ஆனால், அரசியல்வாதிகளும் ராணுவத்தில் உள்ள உயர் அதிகாரிகளும் அதையே ஆயுதங்கள் வாங்கும்போது, லஞ்சம் பெறுவதற்கான ஒரு வாய்ப்பாகப் பயன்படுத்திக் கொள்கிறார்கள் என்பது அதிர்ச்சியும் வருத்தமும் அளிக்கிறது.

  அறுபத்தி ஆறு கோடி ரூபாய் லஞ்சமாகக் கை மாறியது என்ற குற்றச்சாட்டிற்குள்ளான போபர்ஸ் பீரங்கி பேரம் நடந்து 25 ஆண்டுகள் ஆகி விட்டன. நேருவை விடப் பிரம்மாண்டமான வெற்றியைத் தேடித் தந்த ராஜீவ் காந்தியை ஆட்சியிலிருந்து தூக்கி எறிகிற அளவிற்கு மிகப் பெரிய தாக்கத்தை ஏற்படுத்திய ஊழல் குற்றச்சாட்டு அது. என்றாலும் அதன் பின் ராணுவத்திற்குப் பொருட்கள் வாங்குவதில் ஊழல் ஓந்து விடவில்லை. அரசியல்வாதிகளும் அதிகாரிகளும் தவறுகளிலிருந்து பாடம் கற்றுக் கொள்ளவில்லை என்பதையே இது காட்டுகிறது.

 பாடம் கற்றுக் கொள்ளவில்லை என்பது மட்டுமல்ல, முடிந்தால் மூடி மறைக்கவும் முயற்சிக்கிறார்கள் என்பதுதான் உண்மை.

பன்னிரெண்டு ஆகஸ்டா வெஸ்ட்லாண்ட் ஹெலிகாப்டர்களை வாங்குவதற்காக நாம் ஒப்பந்தம் செய்து கொண்டிருந்த ஃபின் மெக்கானிக்கா நிறுவனத்தின் தலைவர், கடந்த வாரம் கைது செய்யப்பட்டார். ஆனால், அந்த நிறுவனத்தின்  உயர் அதிகாரிகள் கடந்த பல மாதங்களாகவே விசாரணைக்கு உட்படுத்தப்பட்டிருந்தார்கள். அதைக் குறித்து இத்தாலிய ஊடகங்களிலும் சர்வதேச நாளிதழ்களிலும் பல மாதங்களுக்கு முன்னரே செய்திகள் வெளிவந்தன.

 ஆனால், இந்திய அரசு இந்த விஷயத்தில் மெத்தனமாகவே இருந்து வந்தது. நடவடிக்கை எடுக்கப் போதுமான அளவிற்கு உறுதிப்படுத்தப்பட்ட தகவல்கள் இல்லை என தட்டிக் கழித்து வந்தது.

 இந்த விஷயத்தில் இத்தாலி அரசு மேற்கொண்ட நடவடிக்கைகளையும் இந்திய அரசின் அணுகுமுறையையும் ஒப்பு நோக்குவது தவிர்க்க இயலாததாகிறது. இந்தப் பேரத்தில் இடைத்தரகராக செயல்பட்டவர், சில மாதங்களுக்கு முன் விசாரணை நடக்கவிருக்கிறது எனச் செய்தி கசிந்ததும், தன்னுடைய கணினியில் இருந்த தகவல்களையெல்லாம் அழித்து விட்டார். முக்கியமான ஆவணங்களை தன்னுடைய அம்மா வீட்டில் கொண்டு, மறைத்து விட்டார். ஆனால், விசாரணை அதிகாரிகள் கணினியின் வன்வட்டை(ஹார்டு டிஸ்க்)யும், அதையடுத்து மறைக்கப்பட்ட ஆவணங்களையும் கைப்பற்றினார்கள். அதையடுத்தே அந்த நிறுவனத்தின் தலைவர் கைது செய்யப்பட்டுள்ளார். கைப்பற்றப்பட்ட ஆவணங்களில் உள்ள தகவல்கள் திகைப்பை ஏற்படுத்துகின்றன என்கிறது இத்தாலி அரசு.

 இத்தாலி அரசு ஹெலிகாப்டர் நிறுவனரைக் கைது செய்த பின், வேறு வழியில்லாமல் இந்திய அரசு விசாரணைக்கு உத்தரவிட்டுள்ளது. விசாரணை சி.பி.ஐ. வசம் ஒப்படைக்கப்பட்டிருப்பது உண்மைகளைக் கண்டறியவா அல்லது மூடி மறைக்கவா என்ற சந்தேகம் எழுகிறது. சி.பி.ஐ. ஸ்பெக்ட்ரம் வழக்கில் எப்படியெல்லாம் குழப்பிக் கொண்டிருக்கிறது, குற்றம் சாட்டப்பட்டவர்களோடு வழக்கை நடத்தும் அரசு வழக்கறிஞர் குலாவிக் கொண்டிருக்கிறார் என்ற செய்திகள் வெளியாகிக் கொண்டிருக்கின்றன.சர்வதேச அளவில் நடத்தப்பட்ட போபர்ஸ் விசாரணையை அது எப்படி சோதப்பியது என்பது வரலாறு.

  அவற்றைப் போல இதுவும் ஆகிவிடக் கூடாது. மத்திய அரசுக்கு நிஜமாகவே அக்கறை இருக்குமானால், அது, லஞ்சம் பெற்றவர்கள் யார், பணம் எங்கே யார் யாருக்குச் சென்றது என்ற தகவல்களை கண்டறிய முயற்சிகளை மேற்கொள்ள வேண்டும். அப்படிச் செய்யத் தவறினால், அதன் விளைவுகளை அரசியல் ரீதியாக அது சந்திக்க நேரிடும்.

  இன்று பாதுகாப்பு அமைச்சராக உள்ள ஏ.கே.அந்தோணி, நீண்டகாலமாக அரசியலில் இருப்பவர். ஆனால், நேர்மையானவர் எனப் பெயர் பெற்றவர். நேர்மையானவர் என்பவர் தன்னளவில் நாணயமாக இருப்பது மட்டுமல்ல, தவறு செய்பவர்களுக்கு துணை போகாமல் இருப்பதும்தான்.

சோனியா பயணத்துக்கு அரசுப் பணம் செலவிடப்படவில்லை: பிரதமர் அலுவலகம் மறுப்பு

சோனியாவின் வெளிநாட்டு பயணத்துக்கு ரூ.1880 கோடி அரசுப் பணம் செலவிடப்பட்டதாக நரேந்திர மோடி கூறிய குற்றச்சாட்டுக்கு பிரதமர் அலுவலகம் தனது மறுப்பைத் தெரிவித்துள்ளது.
மன்மோகன் சிங் தலைமையிலான அரசு, ஆளும் ஐக்கிய முற்போக்குக் கூட்டணியின் தலைவர் சோனியாவின் சிகிச்சைக்காக எந்த செலவும் செய்யவில்லை என்று மறுத்துள்ளது. மேலும், வெளிநாட்டுக்குப் பயணம் மேற்கொண்ட வகையில், சிகிச்சைக்கான செலவாக ரூ.1880 கோடி மக்களின் வரிப்பணத்தில் இருந்து செலவு செய்யப்பட்டதாக குஜராத் முதல்வர் நரேந்திர மோடி கூறிய குற்றச்சாட்டையும் அது மறுத்துள்ளது.
இன்று பிரதமர் அலுவலகம் வெளியிட்ட அறிக்கையில்,
ஐ.மு.கூட்டணித் தலைவரின் வெளிநாட்டுப் பயணங்களுக்கு அரசு செலவு செய்தது என்று கூறப்படும் குற்றச்சாட்டை தீவிரமாக எடுத்துக் கொண்டு அரசு விளக்கம் அளிக்க விரும்புகிறது. அவருக்கு ஆகும் பாதுகாப்புச் செலவுகள், சிறப்பு காவல் குழுவினால் மேற்கொள்ளப்படுகிறது. கடந்த 8 வருடங்களில், பெல்ஜியம் அரசு விடுத்த அழைப்பை ஏற்று, தேசிய அளவிலான கௌரவ விருது பெற பெல்ஜியம் சென்றார் சோனியா. அதற்கான செலவு, இந்திய கலை உறவு பரிவர்த்தனை அமைப்பினால் ஏற்றுக் கொள்ளப்பட்டது. அதுவும் ரூ.3 லட்சம் ரூபாய்தான். அதைத் தவிர ஐ.மு.கூட்டணித் தலைவரின் மருத்துவச் செலவுக்காக எந்தத் தொகையும் செலவிடப்படவில்லை...” என்று பிரதமர் அலுவலகம் விளக்கம் அளித்துள்ளது.

முன்னதாக, தகவல் அறியும் உரிமைச் சட்டத்தின் கீழ் பெறப்பட்ட தகவல்களை மையமாகக் கொண்டு, குஜராத் முதல்வர் நரேந்திர மோடி, இத்தகைய குற்றச்சாட்டை திங்கள் கிழமை முன்வைத்தார்.

டி-20 உலக கோப்பை இறு‌தி‌யி‌ல் இல‌ங்கை - பாகிஸ்தான் வெ‌ளியே‌றியது!

20 ஓவர் உலக கோப்பை கிரிக்கெட்டில் போ‌ட்டி‌ன் அரை‌யிறு‌தி ஆ‌ட்ட‌த்த‌ி‌ல் பாகிஸ்தா‌ன் அ‌ணியை 16 ர‌ன்‌னி‌ல் இலங்கை அணி ‌வீ‌ழ்‌த்‌‌தி இறுதிப்போட்டி‌க்கு செ‌ன்றது.

கொழும்பில் நே‌ற்‌றிரவு நடந்த முதலாவது அரை‌யிறுதியில் இலங்கையும், பாகிஸ்தானும் மோதின. டாஸ் வெ‌ன்ற இலங்கை அணி முதலில் பேட்டிங் செ‌ய்தது. கேப்டன் மஹேலா ஜெயவர்த்தனேவும், தில்சானும் தொடக்க ஆட்டக்காரர்களாக களம் இறங்கினர். இந்த ஜோடி நீண்ட நேரம் நின்று ஆடினாலும், ரன் குவிக்க முடியாமல் திணறியது.

குறிப்பாக தில்சான் வழக்கத்திற்கு மாறாக பந்துகளை அதிகமாக ‌விரயம் செய்தார். கேப்டன் ஜெயவர்த்தனே 36 ப‌ந்‌தி‌ல் 42 ரன்னு‌ம், தி‌ல்சான் 35 ரன்னு‌ம் எடு‌த்து ஆட்டம் இழந்தனர். கைவசம் விக்கெட்டுகள் இருந்தும், இறுதிவரை ஆட்டம் சூடுபிடிக்காமல் மந்தமாகவே நகர்ந்ததால், உள்ளூர் ரசிகர்கள் ஏமாற்றத்திற்குள்ளானார்கள்.

கடைசி ஓவரில் மட்டும் ஆறுதல் அளிக்கும் வகையில் 3 பவுண்டரி உள்பட 16 ரன்களை இலங்கை ஜோடி திரட்டியது. ஆனால் ஒரு சிக்சர் கூட அடிக்கப்படவில்லை. நிர்ணயிக்கப்பட்ட 20 ஓவர்களில் இலங்கை அணி 4 விக்கெட் இழப்புக்கு 139 ரன்கள் சேர்த்தது. இலங்கை பேட்ஸ்மேன்கள் தங்களது இன்னிங்சில் மொத்தம் 54 பந்துகளில் ரன் ஏதும் எடுக்காமல் வீணாக்கியது குறிப்பிடத்தக்கது.

‌பி‌ன்ன‌ர் ‌விளையாடிய பாகிஸ்தானுக்கு, இலங்கை பவுலர்கள் பதிலடி கொடுத்தனர். பாகிஸ்தான் தொடக்க ஜோடி ஓரளவு நல்ல தொடக்கம் தந்த போதிலும் அதனை மிடில்வரிசை பேட்ஸ்மேன்கள் பயன்படுத்திக்கொள்ள தவறினர். பந்து வீச்சாளர்களின் சொர்க்கமாக திகழ்ந்த இந்த ஆடுகளத்தில் பாகிஸ்தான் பேட்ஸ்மேன்கள் ரன்கள் எடுக்க முடியாமல் தொடர்ந்து தவித்தனர்.

ஹெராத், அஜந்தா மென்டிசின் சுழலில் சிக்கிய அவர்களால் அதில் இருந்து கடைசி வரை மீளவே முடியவில்லை. 20 ஓவர்கள் முழுமையாக ஆடிய பாகிஸ்தான் அணியால் 7 விக்கெட்டுக்கு 123 ரன்கள் மட்டுமே எடுத்தது. அதிகபட்சமாக கேப்டன் முகமது ஹபீஸ் 42 ரன்கள் எடுத்தார். இதன் மூலம் 16 ரன்கள் வித்தியாசத்தில் இலங்கை அணி வெற்றி பெற்றது. இலங்கை கேப்டன் ஜெயவர்த்தனே ஆட்டநாயகன் விருதை பெற்றார்.

இந்த வெற்றியின் மூலம் இலங்கை அணி 2வது முறையாக இறுதிப்போட்டிக்கு முன்னேறியது. ஏற்கனவே 2009-ம் ஆண்டு உலக கோப்பையில் இறுதிவரை வந்து பாகிஸ்தானிடம் கோப்பையை கோட்டை விட்டிருந்தது. இந்த தோல்விக்கு இப்போது இலங்கை அணி வஞ்சம் தீர்த்துக் கொண்டது.

இதற்கு முன்பு இந்த மைதானத்தில் 4 முறை 20 ஓவர் கிரிக்கெட்டில் தோற்றிருந்த இலங்கை அணி முதல் முறையாக இங்கு வெற்றியை பதிவு செய்திருக்கிறது. இலங்கை அணி வரு‌ம் 7ஆ‌ம் தே‌தி நடக்கும் இறுதிப்போட்டியில் ஆஸ்‌ட்ரேலியா அ‌ல்லது மே‌ற்‌கி‌ந்‌திய ‌தீவுக‌ள் அணியை சந்திக்கும்.

சீன அழகி யூ வென்ஸியா, மிஸ் வேர்ல்ட் 2012 /Miss world 2012

சீன அழகி யூ வென்ஸியா, மிஸ் வேர்ல்ட் 2012 போட்டியில் பட்டம் வென்றார். இந்திய அழகி வான்யா மிஸ்ரா டாப் 7 அழகிகள் பட்டியலுக்குள் மட்டுமே வர முடிந்தது. ஆனால் பட்டம் வெல்ல முடியாமல் போய் விட்டது. சீனாவின் ஆர்டோஸ் நகரில் மிஸ் வேர்ல்ட் 2012 அழகிப் போட்டி நடந்தது. இதில் இந்தியா சார்பில் மிஸ் இந்தியா வேர்ல்ட் வான்யா கலந்து கொண்டார். இந்த அழகிப் போட்டியில் சீனாவின் யூ வென்ஸியா மிஸ் வேர்ல்ட் பட்டத்தைத் தட்டிச் சென்றார். வான்யா, இறுதிச் சுற்று வரை தகுதி பெற்றார். இருப்பினும் பட்ட வாய்ப்பு நழுவிப் போய் விட்டது. இருப்பினும் வான்யாவுக்கு மிஸ் சோசியல் மீடியா, பியூட்டி வித் எ பர்பஸ் ஆகிய இரு பட்டங்கள் கிடைத்தன. வான்யா, ஜலந்தரைச் சேர்ந்தவர். அங்கு எலக்ட்ரிகல் என்ஜீனியரிங் படித்து வரும் மாணவி ஆவார். மொத்தம் 116 அழகிகள் இந்த ஆண்டுப் போட்டியில் கலந்து கொண்டனர். இதுவரை நடந்த போட்டிகளிலேயே அதிக அளவில் அழகிகள் கலந்து கொண்டது இது என்பது குறிப்பிடத்தக்கது.

Miss World 2012 Winner Wen Xia Yu (China PR)... by shaik219

Indian Government Spends $1.3 Million To Stop Auction Of Gandhi Letters /இந்தியா வாங்கிய காந்தி கடிதங்கள் சர்ச்சையில்

இந்தியாவின் தேசப்பிதாவாகக் கருதப்படும் மகாத்மா காந்தி, தென் ஆப்ரிக்காவில் வசித்தபோது, அவருக்கும் ஜெர்மன் யூதரான, ஹெர்மன் கேலன்பேக் என்ற கட்டிடக்கலைஞருக்கும் இடையே இருந்த நட்பில், பாலியல் ரீதியான கவர்ச்சியும் இருந்ததாக , அமெரிக்க எழுத்தாளர், ஜோசப் லெலிவெல்ட் , கடந்த ஆண்டு எழுதிய, “ Great Soul- Mahatma Gandhi and His Struggle with India” என்ற புத்தகம் பெரும் சர்ச்சையை ஏற்படுத்தியது நினைவிருக்கலாம். இந்தப் புத்தகம் இந்தியாவின் குஜராத் மாநில அரசால் தடை செய்யப்பட்ட்து.

டாக்டர் ஜெயப்பிரகாசத்தின் பேட்டி

மாற்று மீடியா வடிவில் இயக்க

இப்போது, காந்திக்கும், கேலன்பேக்குக்கும் இடையே இருந்த கடிதப்போக்குவரத்துக்கள்,அவை தொடர்பான ஆவணங்கள் ஆகியவை லண்டனில் இருந்து செயல்படும் , சோத்பி ஏல நிறுவனத்தால் ஏலத்துக்கு விடப்பட இருந்த நிலையில், அந்த சுமார் 50 ஆண்டுகால கடிதப்போக்குவரத்துக்களையும் ஆவணங்களையும், இந்திய அரசு, சோத்பி நிறுவனத்துடன் செய்து கொண்ட ஒரு தனிப்பட்ட ஒப்பந்தத்தின் மூலம் , விலைக்கு வாங்கிவிட்டது. இந்திய அரசு இந்த ஆவணங்களை சுமார் 1.28 மிலியன் அமெரிக்க டாலர்களுக்கு வாங்கியிருக்கிறது. இவை டில்லியில் உள்ள தேசிய ஆவணக் காப்பகத்துக்கு கொண்டு செல்லப்படவிருப்பதாக செய்திகள் கூறுகின்றன.

இந்த ஆவணங்களை இந்திய அரசு வாங்கியது, இந்த சர்ச்சைக்குரிய ஆவணங்கள் பொதுமக்கள் பார்வைக்கு வராமல் தடுக்கவே செய்யப்பட்டதாக சில செய்தி ஊடகங்கள் கூறுகின்றன.

இந்தக் கருத்து உண்மையானால், அது சரியான ஒரு நடவடிக்கையாக இருக்காது என்கிறார் காந்திய ஆய்வாளர் பேராசிரியர் டாக்டர் எஸ். ஜெயபிரகாசம்.

காந்தி கேலன்பக்குக்கு எழுதிய கடிதங்கள் சர்ச்சையில்

ஏலத்துக்கு வந்த கடிதத் தொடர்பு

காந்தி தனது வாழ்க்கையையே ஒரு திறந்த புத்தகம் என்று கூறியிருக்கிறார், அவரது சுயசரிதையான “சத்திய சோதனை”யில், அவர் பிரம்மச்சார்யம், தனது பாலியல் வாழ்க்கை உள்ளிட்ட பல விஷயங்களை வெளிப்படையாகவே பேசியிருக்கிறார் என்று கூறிய ஜெயப்பிரகாசம், எனவே இந்தக் கடிதப்போக்குவரத்து, காந்தி குறித்து ஏற்கனவே தெரிந்த விஷயங்களை விட புதிதாக எதையும் சொல்லும் என்று தன்னால் கருத முடியவில்லை என்றார்.

மேலும், இது போன்ற ஓரின சேர்க்கையில் காந்திக்கு ஈர்ப்பு இருந்தது என்று கூறுவதாலோ அல்லது அது குறித்த விவாதங்களாலோ, அவரது புகழுக்கும் நற்பெயருக்கும் களங்கம் ஏற்பட்டுவிடும் என்று தான் கருதவில்லை என்றும் அவர் கூறினார்.

அரசு, இந்த ஆவணங்களை விலைக்கு வாங்கிய நிலையில், அவைகளை பொதுமக்கள் பார்வைக்கும், ஆராய்ச்சியாளர்களின் பயன்பாட்டுக்கும் விடவேண்டும் என்ற கருத்தையும் அவர் ஆதரிப்பதாக்க் கூறினார்.

இந்த மாதிரி விஷயங்கள் பொதுமக்கள் பார்வைக்கு வந்துவிடக்கூடாது என்ற நோக்கத்துக்காக இந்திய அரசு இந்த ஏலத்தை தடுத்திருந்தால் அது தவறாக இருக்கும், ஆனால் அது போல நோக்கம் இருப்பதாக தான் கருதவில்லை என்றார் அவர்.

சென்னை ஓபன் ஸ்குவாஷ்: இறுதிப்போட்டிக்கு ஜோஷ்னா தகுதி

சென்னை, மே.26-

சென்னை ஓபன் ஸ்குவாஷ் சாம்பியன்ஷிப் போட்டி சென்னையில் நடந்து வருகிறது. இதில் முதலாவது ஒற்றையர் அரைஇறுதியில் இந்திய வீராங்கனை அனகா அலங்காமணி போராடி தோல்வியை தழுவினார். அவரை இங்கிலாந்தின் சாரா ஜேன் பெர்ரி 8-11, 11-5, 6-11, 14-12, 11-6 என்ற செட் கணக்கில் வென்றார்.

இந்த ஆட்டம் 1 மணி 9 நிமிடங்கள் நீடித்தது. மற்றொரு அரைஇறுதியில் போட்டித் தரநிலையில் 2-வது இடம் வகிக்கும் இந்திய நட்சத்திர வீராங்கனை ஜோஷ்னா சின்னப்பா 13-11, 11-4, 11-8 என்ற நேர் செட்டில் எகிப்தின் சல்மா ஹனியை வீழ்த்தி இறுதிப்போட்டிக்கு முன்னேறினார். இன்று நடக்கும் இறுதி ஆட்டத்தில் ஜோஷ்னா, போட்டித்தரநிலையில் 3-வது இடத்தில் உள்ள சாரா ஜேன் பெர்ரியை சந்திக்கிறார்.

ஆதர்ஷ் வீட்டு வசதி ஊழல்: மாஜி முதல்வருக்கு சம்மன்,

மும்பை: ஆதர்ஷ் வீட்டுவசதி ஊழல் தொடர்பாக முன்னாள் முதல்வருக்குவிசாரணை கமிஷன் சம்மன்அனுப்பியுள்ளது. மகாராஷ்டிரா மாநிலம் மும்பை கொலப்பா பகுதியில் கார்கில் போர் தியாகிகளுக்கு ஒதுக்கப்பட்ட ஆதர்ஷ் வீட்டு வசதியை , அரசியல்வாதிகள், ராணுவ உயரதிகாரிகள் ஆக்கிரமித்ததாக புகார் எழுந்தது.இதில் தொடர்புடைய அப்போதை முன்னாள் முதல்வர் அசோக சவான் மீது குற்றம்சாட்டப்பட்டது. அவர் பதவி விலகினார். மும்பை ஐகோர்ட் உத்தரவின் பேரில் ஓய்வு பெற்ற இருநீதிபதிகள் கொண்ட விசாரணை கமிஷன் அமைக்கப்பட்டு விசாரணை நடந்துவருகிறது.இந்நிலையில் அசோக் சவானுக்கு விசாரணை கமிஷன்நேற்று சம்மன் அனுப்பி, வரும் 23-ல் நேரில் ஆஜராகுமாறு உத்தரவிட்டுள்ளது.