எஸ்.ஆர்.எம் பல்கலைகழகம் தமிழ் பேராய விருது-ரூ.22 லட்சம் மதிப்பில் srm tamil academy award

எஸ்ஆர்எம் பல்கலைக்கழகம் தமிழ்ப்பேராயம் என்ற ஓர் அமைப்பை நிறுவி தமிழ் மொழி, இலக்கியம், கலை, பண்பாடு, ஆய்வு ஆகியவற்றின் வளர்ச்சிக் கான பல திட்டங்களைச் செயல் படுத்தி வருகிறது. இணையவழி யிலான தமிழ்க் கல்வி, தமிழ்ச் சமயக் கல்வி, கணினித்தமிழ்க் கல்வி ஆகிய துறைகளின் மூலம் பட்டயப் படிப்புகளையும், சான்றிதழ் படிப்புகளையும் வழங்கி வருகிறது. அத்துடன் அரிய நூல்களை பதிப்பு செய்யும் பணியையும் செய்து வருகிறது. இவற்றோடு கடந்த 2012 முதல் தமிழ்ப்படைப்பாளிகள், திறனாய்வாளர்கள், தமிழறிஞர்கள் ஆகியோருக்கு விருதுகளை வழங்கி வருகிறது.

இளம் தமிழ் ஆய்வறிஞருக்கு வழங்கப்பட்டு வரும் வளர்தமிழ் விருது மறைந்த முன்னாள் குடியரசுத்தலைவர் அப்துல் கலாமைச் சிறப்பிக்கும் வகையில் இந்த ஆண்டு முதல் அப்துல் கலாம் இளம் தமிழ் ஆய்வறிஞர் விருது என்ற பெயரில் வழங்கப்படும்.

சிறந்த நூல்களைப் பதிப்பிக்கும் பதிப்பகங்களை கவுரவிக்கும் வகையில், விருதுக்கு தேர்ந்தெடுக்கப்படும் 8 நூல்களையும் வெளியிட்ட பதிப்பகங்களுக்கும் விருதும், பாராட்டும் பகிர்ந்து அளிக்கப்படும். இந்த ஆண்டு ரூ.22 லட்சம் மதிப்பில் 12 வகையான விருதுகள் வழங்கப்பட உள்ளன. விருதுகள் விவரம்:

1. புதுமைப்பித்தன் படைப் பிலக்கிய விருது (சிறுகதை, புதினம், நாடகம்)

2. பாரதியார் கவிதை விருது (கவிதை)

3. அழ.வள்ளியப்பா குழந்தை இலக்கிய விருது (கதை, கவிதை, நாடகம்)

4. ஜி.யூ. போப் மொழிபெயர்ப்பு விருது (மொழி பெயர்ப்பு நூல்)

5. பெ.நா.அப்புசாமி அறிவியல் தமிழ் விருது (தமிழில் அறிவியல் நூல்)

6. ஆனந்த குமாரசாமி கவின் கலை விருது (சிற்பம், ஓவியம், தமிழிசை சார்ந்த நூல்)

7. விபுலானந்தர் படைப்பிலக்கிய விருது (கவிதை, சிறுகதை, புதினம், நாடகம்)

8. அப்துல் கலாம் இளம் தமிழ் ஆய்வறிஞர் விருது (ஆய்வு நூல்)

(மேற்கண்ட விருதுகள் ஒவ்வொன் றுக்கும் பரிசு தலா ஒன்றரை லட்சம் ரூபாய்)

9. சுதேசமித்திரன் தமிழ் இதழ் விருது (தமிழ்க்கலை, இலக்கியப் பண்பாட்டு இதழ்) - ரூ.1 லட்சம்

10. தொல்காப்பியர் தமிழ்ச்சங்க விருதுகள் - ரூ.2 லட்சம்

11. பரிதிமாற்கலைஞர் விருது (சிறந்த தமிழறிஞர்) - ரூ.2 லட்சம்

12. பாரிவேந்தர் பைந்தமிழ் விருது (தமிழ்ப் பேரறிஞர் வாழ்நாள் சாதனையாளர் விருது) - ரூ.5 லட்சம்

பரிந்துரைகளும், நூல்களும் ஜுன் மாதம் 30-ம் தேதிக்குள் வந்து சேர வேண்டும். முகவரி: துறைத் தலைவர், தமிழ்ப் பேராயம், மைய நூலகக் கட்டிடம், 4-வது தளம், எஸ்ஆர்எம் பல்கலைக்கழகம், காட்டாங்கு ளத்தூர் 603 203. காஞ்சிபுரம் மாவட்டம். தொலைபேசி எண் 044-27417375.

புது யுகம்... புதிய தொலைக்காட்சி தொடக்கம்

புதிய தலைமுறை தொலைக்காட்சி குழுமத்திலிருந்து ‘புதுயுகம்' எனும் பொழுதுப்போக்கு டிவி சேனல் 23.10.13

முதல் ஒளிபரப்பை தொடங்கியுள்ளது. ‘நியூ ஜெனரேஷன் மீடியா' நிறுவன தலைவர் சத்திய நாராயணன் இதனை தொடக்கி வைத்தார்.குழந்தைகள், இளைஞர்கள், பெண்கள், முதியவர்கள் என்று அனைவரும் ஒருசேர அமர்ந்து பார்த்து ரசிக்கும் வண்ணம் நெடுந்தொடர்கள் மற்றும் குறுந்தொடர்கள் தயாரிக்கப்பட்டுள்ளனவாம். இந்த தொடர்கள் ஒவ்வொன்றும் வித்தியாசமான கதைக்களங்களைக் கொண்டு புனையப்பட்டுள்ளன.

பொழுதுகள் போக்குவதற்கு இல்லை அனுபவிக்கவேண்டியவை என்பதை உணர்த்தும் வகையில் காலை முதல் இரவு வரை நேயர்களை ஒருமுகப்படுத்தும் வகையில் புதுயுகம் தொலைக்காட்சியில், நிகழ்ச்சிகள் வரிசைப்படுத்தப்பட்டுள்ளன.புதிய கோணத்தில்இந்த டிவியில் பொழுதுபோக்கு நிகழ்ச்சிகள், தொடர்கள், விளையாட்டு நிகழ்ச்சிகள், இசை நிகழ்ச்சிகள், சமையல் நிகழ்ச்சிகள், விவாதங்கள் என்று நிகழ்ச்சிகள் ஒவ்வொன்றும் புதிய கோணத்தில் வடிவமைக்கப்பட்டுள்ளனவாம்.

அழ வைக்காத சீரியல்கள்வீட்டுப் பெண்களை அழவைத்து அழகு பார்க்கவைப்பதிலும் முறையற்ற உறவுகளைக்காட்டி பார்வையாளர்களை வசீகரிக்கும் நோக்கமுமின்றி, நிகழ்ச்சிகளிலும் தொடர்களிலும் கேளிக்கை , பொழுதுபோக்கு , கொண்டாட்டம் அதே சமயத்தில் வாழ்க்கை மதிப்பீடுகளை தூக்கிப்பிடிக்கும் செய்திகளும் கொண்டதாய் புதுயுகம் உருவாக்கப்பட்டுள்ளது என்கின்றனர் தொலைக்காட்சி நிறுவனத்தினர்.சன் நியூஸ் சேனலுக்கு போட்டியாக புதிய தலைமுறை ஒளிபரப்பாவதைப் போர சன்டிவி சேனலுக்கு கடுமையான போட்டியை புதுயுகம் சேனல் உருவாக்கும் என்கின்றனர் ஊடக உலகத்தினர்

வேளாண் பல்கலைக்கழக துணைவேந்தராக முனைவர் கே ராமசாமி இன்று பதவியேற்பு /Dr.K.Ramasamy ,taken a charge of new VC of the Tamil Nadu Agricultural University (TNAU), Coimbatore.

வேளாண் பல்கலைக்கழக துணைவேந்தராக முனைவர் கே ராமசாமி இன்று பதவியேற்பு

கோவை தமிழ்நாடு வேளாண்மைப் பல்கலைக்கழகத்தின் புதிய துணைவேந்தராக மாநிலத் திட்டக்குழு உறுப்பினர் (வேளாண் மற்றும் பாசனம்) கே. இராமசாமி திங்கள்கிழமை பதவியேற்கிறார்.

இதற்கான உத்தரவை, தமிழ்நாடு ஆளுநரும், பல்கலைக்கழக வேந்தருமான கே.ரோசய்யா பிறப்பித்துள்ளார்.

கோவை ஈச்சனாரியில் உள்ள கற்பகம் பல்கலைக்கழகத் துணைவேந்தரும், மாநில திட்டக்குழு உறுப்பினருமான (வேளாண்மை) கே.இராமசாமியைப் புதிய துணைவேந்தராக நியமித்து ஆளுநர் வெள்ளிக்கிழமை உத்தரவு பிறப்பித்தார்.

புதுக்கோட்டை மாவட்டம், அறந்தாங்கியில் 1948-ல் பிறந்தவர் கே.ராமசாமி. அண்ணாமலைப் பல்கலைக்கழகத்தில் இளநிலை, முதுநிலைப் பட்டம் படித்தவர். பெல்சியத்தில் உள்ள கத்தோலிக் லீயுவென் பல்கலைக்கழகத்தில் எம்.எஸ். மற்றும் முனைவர் பட்டம் முடித்துள்ளார்.

முனைவர் கே.இராமசாமி உயிரித்தொழில்நுட்பம், நுண்ணுயிரியல்துறையில் உலக அளவில் புகழ்பெற்ற அறிஞர், எஸ்.ஆர்.எம். பல்கலைக் கழகத்தில் சில காலம் பணிசெய்து வந்தார்.

மிகச்சிறந்த கல்வியாளரைத் தகுதி அடிப்படையில் தமிழகத்தின் குறிப்பிடத்தக்க

பல்கலைக்கழகத்திற்குத் துணைவேந்தராக நியமித்த தமிழக ஆளுநரும், தமிழக

அரசும், உயர்கல்வித்துறை அமைச்சர் உள்ளிட்டோரும் என்றும் பெருமைக்கும்

பாராட்டிற்கும் உரியவர்களாவர்.

மகாபலிபுரம் கடற்கரையை சுத்தப்படுத்தும் பணியில், எஸ்.ஆர்.எம்., ஹோட்டல் மேனேஜ்மென்ட் மற்றும் கேட்டரிங் டெக்னாலஜி துறை மாணவர்கள்

சுற்றுலாத் துறை அமைச்சகம், 'சுத்தமான இந்தியா' என்ற பிரசாரத்தை மேற்கொண்டுள்ளது. இந்த பிரசாரத்தின் கீழ், மகாபலிபுரம் கடற்கரையை சுத்தப்படுத்தும் பணியில், எஸ்.ஆர்.எம்., ஹோட்டல் மேனேஜ்மென்ட் மற்றும் கேட்டரிங் டெக்னாலஜி துறை மாணவர்கள் ஈடுபட்டனர். உடன், எஸ்.ஆர்.எம்., ஹோட்டல் மேனேஜ்மென்ட் மற்றும் கேட்டரிங் டெக்னாலஜி துறை இயக்குனர் அந்தோணி அசோக்குமார்.